Benedictus XI papa

Nicolaus Boccasinus, Tarvisii humili familia natus, magister generalis Ordinis Praedicatorum fuit antequam mense Octobri anno 1303 papa eligeretur, undecim diebus post mortem Bonifatii VIII, Anagniae ab hominibus Philippi Pulchri contumelia affecti. Placationem elegit: pleraque quae contra Philippum Pulchrum decreta erant rescidit, inter quae excommunicationem quae tantum minata erat, de principio tamen non cedens; auctores autem facinoris Anagnini nominatim excommunicavit. Perusiae mense Iulio anno 1304 obiit, octo mensibus post electionem, iis rerum condicionibus quas fama veneno tribuit. Cultus eius anno 1736 confirmatus est.