Gustanus Ruiensis

Traditio eum circa annum 980 in Cornubia Britannica natum facit. Adulescens a piratis Britanniam insularem percurrentibus raptus, eis pro nauta puero servivit, deinde vulneratus in insula relictus est. Felix, eremita Uxantensis, eum excepit, curavit et convertit; cum ille anno 1008 abbatiam Sancti Gildasii Ruiensis restitueret, Gustanus ei ut frater conversus se adiunxit, deinde ibi habitum monachi sumpsit. Maiorem vitae partem ibi egit, hospitio et annonae praepositus, quo saepe sinum traicere cogebatur: nautae et piscatores Morbihanni eum ob has traiectiones patronum sumpserunt. Felice permittente, aliquamdiu eremum in insula Hoedic tenuit. Circa annum 1040 in prioratu Beauvoir-sur-Mer in Pictavia, quem Ruiense monasterium ibi condiderat, obiit. Cultus eius paeninsulam Ruiensem numquam excessit, ubi pardonus eius adhuc celebratur.