Eugenia Romana

Passio Eugeniae, saeculo quinto conscripta, narrat filiam praefecti Alexandrini, clam conversam, capillos tondere et virili habitu monasterium ingredi, cuius abbas fiat. A muliere quam repulerat accusata, coram tribunali patris sui quae esset fateri cogitur. Narratio, inter frequentissimas eius generis quo sanctae virili veste tectae feruntur, martyrio eius Romae sub Valeriano clauditur. Historiae in ea parum, fabulae multum tribuitur, cultus tamen antiquus est: nomen eius in martyrologio Hieronymiano legitur et basilica ei in via Latina dicata erat.